Baydhabo(INO)-Madaxweynaha Dowladda Koonfur Galbeed ee Soomaaliya Mudane Shariif Xasan Sheekh Aadan ayaa Booqasho ku tagey magaalada Baraawe ee Gobolka Shabeellaha Hoose, halkaasoo noqoneysa xarunta Dowladda Koonfur Galbeed Soomaaliya.
Wafdiga Madaxweyne Shariif Xasan Sheekh Aadan oo ay qeyb ka ahaayeen Wasiiro ka Tirsan KGS, mas’uuliyiinta Gobolka Shabellaha Hoose, Saraakiil ka socotey Xafiiska Siyaasada Ee Qaramadda Midoobey ee UNSOM iyo weliba Wefdi kale oo ka Socodey Ururka Midowga Yurub ee Xafiikooda dalka Soomaaliya ayaa diyaarad ka soo qaaday magaalada Muqdisho, iyadoo si weyn loogu soo dhoweeyay Baraawe Gobolka Shabellaha Hoose.
Afhayeenka Dowladda Koonfur Galbeed Soomaaliya Mudane Cadiqaadir Nadaar ayaa sheegay in Madaxweyne Shariif Xasan iyo wafdigiisa si diiran loo soo dhoweeyay, ayna u kala harin soo dhoweyntiisa dhamaan ururada bulshada rayidkaee Degmadaasi.
Ujeeda Booqashada Maddaxweyne Shariif Xasan ayaa Lagu Sheegey u kuur galo xaalada Baraawe, sidii halkaasii looga Fulin lahaa Mashaariic kala Gedisan, oo ay ka mid yhiin Dhismaha Garoonka Diyaaradaha Degmada Baraawe, Hawl Galinta Dikadda iyo weliba dhismaha Madaxtooyadda KGSoomaaliya.
Halkan Ka Dhageyso Codka Afhayeenka KG Soomaaliya.
Ugu dambeyntii Dowladda Koonfur Galbeed Soomaaliya ayaa isu diyaarinaysa sidii ay xarun ugu noqon laheyd magaalada Xeebeeda Degmadda Baraawe ee Gobolka Shabellaha Hoose oo ah magaalo deked leh.
Idale News Online, Xafiiska Baydhabo.
