Qaraxyo waa weyn oo dad badani ku dhinteen loona adeegsaday gawaari waxyaabaha qarxa laga soo buuxiyay ayaa ka dhacay magaalada Urumqi caasimada gobalka Xinjiang, ee Dalka Shiinaha .
Inta la xaqiijiyay Qaraxyadan xoogan waxaa ku dhintay 31-qof halka ay ku dhaawacmeen dad kor u dhaafaya ilaa 94-ruux kuwaa oo lagu daweenayo isbitaalada lana soo shaqeegayo qaarkood in ay halis yihiin.
Qaraxyadan oo labo ahaa ayaa loo adeegsaday gawaari waxyaabaha qarxa lagu soo buuxiyay kuwaa oo lagu qarxiyay Suuq dad badan ay ku sugnayaeen oo kuyaala magaalada Urumqi.
Gobalka Xinjiang oo qaraxyadu ka dhaceen waxaa ku badan dadka Muslimiin ah oo doonaya in ay ka go’aan Dalweynaha Shiinaha intiisa kale , waxaana gobolkan horey uga dhacay Qaraxyo iyo weeraro ay dad badan ku dhinteen
