Baydhabo(INO)- Darawalada kaxeysa gaadiidka ka shaqeeya Magaalooyinka Muqdisho iyo Baydhaba ayaa maalintii Labaad aan shaqeyn ka dib markii ay sheegeen in amnigooda ay u baqeen.

Shalay ayeey ku dhawaaqeyn in aysan shaqeyn doonin ka dib markii wadada isku xirta Muqdisho iyo Baydhaba ay kusoo bateen rag ku labisan dareeska Ciidamada dowladda oo ay sheegeen in dhac iyo dhibaato ay u geysanayaan iyaga iyo dadka rakaabka ah.

Halkan Ka Daawo.

Qaar ka mid ah darawaladaan oo u waramay  Warbaahinta  ayaa sheegay in markii ay u baqeen naftooda iyo midda Rakaabka ay wadaan, in ay go’aan ku gaareen in shaqada ay joojiyaan inta dowladda ay wax ka qabanayso casbashadooda.

Darawaladaan waxay qaarkood ay sheegeen in dhaawacyo ay kala kulmeen ragaan hubays an, ka dib markii qoriga Afkiisa madaxa iyo qaarka hore looga garaacay.

Meelaha ugu daran ayeey ku sheegayaan inay tahay marka laga gudbo degmada Afgooye, halkaasi oo ay jidgooyada u badan tahay.

Ugu dambeyn Darawaladaan ayaa ku baaqay in dowladda Federaalka gaar ahaan ciidamada xooga dalka ay deg deg wax uga qabtaan amaanka wadadaasi.

Idale News Online Baydhabo.