Buurhakaba(INO)-Biyo la’aan xooggan ayaa laga soo sheegayaa degmada Buurhakaba Ee Gobolka Bay iyo deegaanada udhow ee ka tirsan gobolka Bay , iyadoo la soo sheegayo in warihii biyaha laga dhaansan jiray ay kawada dhamadeen biyihii keydka ahaa.
Shacabka Ku Dhaqan degmada Buurhakaba ayaa sheegeen in biyo la’aan xoogan ay ka jirto degmada oo aan inta la ogyahay sanadahan dhow soo marin, hadii aan gurmad deg deg ah helina laga yaabo in samayn xun ay ku yeelato dadka iyo duunyada degmada kunool.
Mid ka mid ah Dadka ka ganacsada Ceelasha biyaha ayaa sheegay in Foostada Biyaha ay ku iibiyaan lacag dhan 70 kun oo Shilin Soomaali ah, halka waagi hore la siin jirey 20kun oo Shilling Soomaaliga ah.