Wararka laga helaayo magaalada Janaale ee gobalka Shabeelada Hoose ayaa waxa ay sheegayaanin qarax xoogan oo loo adeegsaday banbo gacmeed laguna qaaday ciidamo ku sugnaa suuq dadku ku badnaa ay ku geeriyoodeen sedax ruux 14-kalana ay ku dhaawacmeen.
Qaraxaan oo la sheegay in lala eeganayay ciidamo ku sugnaa Suuqa ayaa waxaa ka danbeeyay xabada ay ciidanku fureen kuwaa oo iyana sababay qasaaruhu in uu sii bato.
Gudoomiyaha Janaale Maxamed Idiris ayaa waxa uu xaqiijiyay dhimashada sedaxda ruux iyo dhaawaca 14-ka kale.
Janaale oo ah magaalo ay ku hareereysanyihiin beeraley ayaa maalinta khamiista ah waxaa aad loo soo camiraa suuqeeda iyada oo dadku maalintaas ay si aad ah uga dukaameestaan.
Si kastaba, weerarkaasi ayaan wali cid sheegaty jirin inkasta oo dusha laga saaro weerarada nuucaas ah kooxda Shabaab ee ka dagaalanta dalka Soomaaliya.
Idale News Muqdisho
