Maamulka G/SH/Hoose&Kan Degmada Afgooye Oo Runta U Sheegey 4 Wasiir Oo Baad Doon Ahaa

0
89

Afgooye(INO)-Iyadoo Xaalado Cakiran uu ku jiro Gobolka Shabellaha Hoose, isla markaana  qaar ka mid ah degmooyinka iyo degaano ka tirsan gobolkaas ay daadsan yihiin isbaarooyin ay dhigteen qaar ka mid ah masuuliyiintii xilka looga soo xayuubey gobolka Banaadir  ayaa hada waxa soo baxayo khilaaf xoogan oo u dhexeeyo Maamulka Gobolka Shabellaha Hoose iyo kan Degmada Afgooye oo dhinac ah  iyo Wasiirada Maamulka Koonfur Galbeed Soomaaliya kuwaasoo doonayo lacago baad ah.

gaabow

Warar Hoose oo ay heshey Shabakada Idale News Online,Ayaa cadeynaya in Gudoomiyihii hore ee degmada Howlwadaag ee gobolka banaadir  Jacfar  isla markaana ka soojeeda Beesha Ceelbuur ee Gobolka  Galgaduud   sidoo kalena  isbaarooyin badan oo  dad shacab ah lagu laayey  u yaalaan gobolka Shabellaha hoose ayaa  la wada qorshe cusub oo ay maleegayaan Wasiirada Cusub ee maamulka Koonfur Galbeed Soomaaaliya kuwaasoo maamulka degmada Afgooye ay waydiisteen lacago Baad ah  ma hadii kale ay bedeli doonaan.

Wasiiradad ilaa iyo haantan raadinayo baad lacageed iyo hanjbaaad joogto ah  ku haayo maamulka degmada afgooye ee gobolka shabellaha hoose ayaa gaarayaan 4 wasiir, waxayna  sheegeen in maamul cusub ay sameyn doonaan degmada Afgooye  isla markaaana  gudoomiye  ay u dhigayaan  nin ka soojeedo beesaha  Murunsade oo laalus  badan ay  ka qaateen.

Wasiirada ku sugan degmada Afgooye  isla marknaa raadinayaan Baad lacageed ayaa waxay kala Yihiin

  • Axmad Sh. Xasan Fiqi
  • C/laahi Cabdi Cumar (Buufle)
  • C/Nasir Caruush
  •  Sheikh Xasan Ibraahim Lugbuur

Si kastaba ha ahaatee, degmada Afgooye ee gobolka Shabellaha Hoose waxa ka jira maamulka sharci isla markaana  oo ay soo magacowdey wasaarada Arimaha Gudaha  ee Dowlada Soomaaliya sidoo kalena Gudoomiyihu uu yahay dadka deegaanka.

Ugu Dambeyntii maalmihii ugu dambeeyey waxaa degmadaasi gaarey 4 wasiir oo lagu sheegey inay ka tirsan yihhin maamulka Koonfur galbeed soomaaliya isla markaana Dood iyo dacwad ay ula tageen  maamulka degmada afgooye oo sharci ah, kuwaasoo sida la sheegeey  gadaal ay ka soo riixayaan dagaal oogiyaal doonayo in ay  la wareegaan maamulka degmada Afgooye ee gobolka shabellaha, isla markaana aan u dhalan Gobolka Shabellaha Hoose.

Idale News online, Afgooye

 

LEAVE A REPLY

Please enter your comment!
Please enter your name here