Muqdisho(INO) — Xukuumadda Finland ayaa Shaacisay inay Hakisay Codsiyada Magan-galyo doonka Mujaahidiinta kasoo jeeda Soomaaliya iyo Ciyaar, kaddib markii ay sheegeen in dadka kasoo jeeda Waddamadan ay ku Marmar-siyoodaan sheegtaan dhibaatooyin ka jira dalalkooda.
Mas’uuliyiinta Xafiiska Socdaalka dalka Finland ayaa Warbixin ay soo saartay ku sheegtay inay Wax ka bedeleen Hab-raacii Dadka Magan-galyo Doonka ah ee ka soo jeeda Somalia iyo Ciraaq; kadib Qiimeyn Xafiisku uu sameeyay.
Sidoo kale, Mas’uuliyiinta Waaxda Socdaalka Finland ayaa xusay in sababta ay go’aankan u qaateen ay tahay tirada magan-galyo doonka ka imaanaya dalalka Somalia iyo Ciraaq ay aad u kordheen, iyaguna ay go’aansadeen inay dib u eegis ku sameeyaan codsiyadooda.
“”Tallaabadani waa mid la mid ah kuwo ay horay u qaateen dalalka Yurub qaar ka mid ah; waayo waxaan ognahay in Gobollada Koonfurta iyo Bartamaha Ciraaq iyo Soomaaliya ay yihiin kuwo nabadoon oo lagu noolaan karo,” ayay waaxdu ku sheegtay qoraal ay soo saartay
Waaxda Socdaalka Finish-ka ayaa intaas ku dartay in ay Dib u eegis ku Sameyn Doonaan dadka Magan-galyo doonka ah ee ka yimaada goobaha khatarta ah ee ka tirsan Soomaaliya iyo Ciraaq.
Go’aankan lagu Hakiyay Codsiyada dadka Magan-galyo Doonka ah ee Somalia iyo Ciraaq ka imaanaya uu socon doono toddobaadyo ah; ayna waaxdu hubinayso codsiyada muhaaji-riinta ka imaanaya labadaan waddan.
Xukuumadda Finland ayaa sheegtay in tan iyo Bartamihii Bishaan September ay Dalkeeda soo galeen dad badan oo Magan-galyo doon ah, kuwaasoo Qaarkood kasoo gudbay Xadka uu dalkaas la leeyahay Finland.
“Finland Waxaa Sannadkan soo galay in ka badan 17,000 oo Qof oo magan-galyo doon ah, tiradaasoo aad uga badan magan-galyo doonkii soo galay dalka Finland 2014-kii kuwaasoo gaarayay 3,650-qof,” ayaa lagu sheegay warbixinta dowladda Finland.
Ugu dambeyn, Hay’adda Socdaalka Adduunka ee IOM ayaa Warbixin ay soo Saartay ku sheegtay in Nus-malyuun qoxooti ah ay 2015-ka gaareen Dalalka Yurub, waxaana Qayb ka ah Muhaajiriintaasi kuwo Soomaali ah.
Idale News Online, Muqdisho
Idalenewsonline@gmail.com