Baydhabo(INO)- Dowlada Koonfur Galbeed Soomaaliya ayaa si weyn uga hor yimidey Qorshe la doonayo in Maamul loogu sameeyo qaar ka mid ah Degmooyinka dhaca Waqooyiga Gobolka Bakool ee Maamulka Koonfur Galbeed ka tirsan.
Wasiirka Wasaaradda Warfaafinta iyo Wacy-galinta Bulshada Ee Dowlada Koofur Galbeed Xasan Cabdi Maxamed oo hadlay warbaahinta gudaha ayaa sheegay in Dowlada Koonfur Galbeed Soomaaliya aysan Aqbali doonin Maamul kale oo ka madax banaan Koonfur Galbeed Soomaaliya islamarkaana laga dhiso degaano ka tirsan Koofur Galbeed Soomaaliya.
Xasan Cabdi Maxamed ayaa Xusay in Degaanada ay ka mid yihiin Aato,Ceel-barde iyo Yeed ay ku sugan yihiin Xildhibaanno ka tirsan Dowladda Soomaaliya iyo Siyaasiin qaab qabiil isku Abaabulay oo u jeedkoodu yahay in ay Dadka Shacabka ah marin habaabiyan.
Ugu dambeyntii, Degaanada qaar ee dhaca Waqooyiga Gobolka Bakool ayaa waxaa ka socda Qorshe Maamul ka madax banaan Koofur Galbeed lagu sameynayo .
Halkan Ka Dhageyso
Idale News Online, Baydhabo
